7 İyul 2024-cü il Məhərrəm ayının 1-nə təsadüf edir. Məhərrəm ayının gəlməsi hicri təqvimi ilə yeni ilin gəlməsi deməkdir. Bu münasibətlə bütün islam aləmini təbrik edirəm. Allahdan islam aləminə hüzur, sevinc, xoş günlər arzulayıram.
Bu sözləri “Təhsil365”ə açıqlamasında ilahiyyatçı Cəmil Musayev deyib.
“7 iyul 2024-cü il tarixindən etibarən 1 Məhərrəm 1446-cı ilə girmiş olacağıq. Məhərrəm ayı qurani kərimdə Allahtəalanın haram saydığı aylardan biridir. Haram ayların sayı dörddür. Bunlar Məhərrəm, Rəcəb, Zilkadə, Zilhiccə aylardır. Həzrəti peyğəmbər (S.A.V) Məhərrəm ayı Allahın ayıdır deyərək Məhərrəm ayının böyüklüyünə diqqət çəkmişdir. İslamın ilk gəldiyi zamanlarda qurban kəsmə ibadəti Məhərrəm ayında yerinə yetirilirdi. Daha sonra Allah tərəfindən Zilhiccə ayında yerinə yetirilməsi əmr edilmişdir. Məhərrəm ayı dinimizdə bir çox hadisələrlə yadda qalmışdır. Bu hadisənin böyuk əksəriyyəti sevinc bəxş edən hadisələr olsada təəsüflər olsun ki, aşura günü Məhərrəm ayının 10-u tariximizdə qanlı hərflərlə yazılan kərbəla faciəsi baş vermişdir. Kərbəla şəhidlərini rəhmətlə yad edirik. Allahdan rəhmət diləyirik. Yalnız diqqət çəkmək istəyirəm ki, Məhərrəm ayı ilə əlaqədar olaraq bəzi məzhəb mənsubları tərəfindən uyğunsuz mənalar yüklənmişdir. Məhərrəm ayında toy etmək olmaz, Məhərrəm ayında 40 gün yas saxlamaq lazımdır, Məhərrəm ayında toy eden dindən çxar kimi ifadələr işlədərək insanları töhmət altında buraxmaq, insanları dinsizmiş kimi qələmə vermək heçdə əxlaqa uyğun hərəkətlərdən deyil. İnsanlara Məhərrəm ayının həqiqətlərini çatdırmaq yerinə dinimizin heç bir qaynağının olmadığı halda yas ayı, matəm ayı kimi təqdim edilir. Bunlar islamın əmrlərindən deyil. İslamda olmayan bir şeyi islama aşılamaq bidətdir. Allah bidəti sevməz”.
Cəmil Musayev qeyd edib ki, bəzi ilahiyyatçılar insanlara yanlış fikirlər aşılayırlar.
“Bəzi sözdə ilahiyyatçılar tərfindən Məhərrəm ayını insanlara elə bir şəkildə çatdırılmışdır ki, insanlar təəsüflər olsun ki, Allahın əmrlərini görməməzlikdən gələrkən bir-birlərinə günaha girdin, dindən çıxdın demir. Əksinə xoş qarşılayır. Amma islamın heç bir qaynağıda yer almadığı halda, islamda Məhərrəmlik deyə bir şey olmadığı halda, Məhərrəmliyə əməl etməyən, toy edən, şənlik edən insanları sən dindən çıxdın sən dinsizsən kimi ağır ifadələrlə tənqid edirlər.
Bu böyük bir faciə, böyuk bir bədbəxtlikdir. Mən bunu söyləmək isdəyirəm ki, insanlar bu dünyaya Allahtəalanın əmrlərini yerinə yetirmək, qadağan etdiklərindən də uzaq durmaq ücün gəliblər. Bu dünya imtahan həyatıdır. Hər kəsdə imtahan içərisindədir. Bütün müsəlmanlara bütün məzhəb mənsublarına bunu demək istəyirəm ki, xurafatları din kimi qəbul etmək yerinə həqiqi dini yaşamağa çalışmalıyıq. Xurafatlar din deyil. Din allahın Əmrlərindən ibarətdir. Allahın əmr etdikləri, qadağan etdikləri qalıb bir tərəfdə insanlar dində olmayan xurafatların izindən getməkdədirlər. Bunlar ümumiyyətlə üzücü hadisələrdir”.