"Abituriyentlər DİM tərəfindən ikimərhələli - buraxılış və blok imtahanı, yəni imtahanın 2-ci mərhələsi deyilən blok imtahında iştirak edərək, müəyyən müsabiqə şərtlərini ödədikdən sonra ixtisas seçimi üçün müsabiqəyə buraxılırlar".
Bu sözləri “Təhsil365”ə aıqlamasında ixtisas seçimi və gələcək karyera üzrə mütəxəssis, təhsil eksperti Ramin Nurəliyev söyləyib.
O bildirib ki, I, II, III və IV ixtisas qrupu abituriyentləri buraxılış imtahanında (buraxılış imtahanında hər hansısa bir məhdudiyyət yoxdur) istənilən balı toplaya bilərlər, sadəcə imtahanın 2-ci mərhələsində ,yəni blok imtahanında 1-ci və ya 2-ci cəhd blok imtahanlarında müəyyən məhdudiyyətlər var:
"Bu məhdudiyyətlər bunlardan ibarətdir: abituriyent blok imtahanında 50-100 bal arası toplayarsa, ixtisas qrupuna uyğun olaraq məhdud ixtisaslara müraciət edə bilir. Amma 50 baldan aşağı bal toplayan abituriyentlər heç bir müsabiqəyə buraxılmır (bu, I, II, III və IV qrup abituriyentlərə aiddir). V qrup abituriyentləri sadəcə imtahanın 1-ci mərhələsi, yəni buraxılış imtahanı nəticəsinə və qabiliyyət imtahanlarına əsasən ixtisas seçiminə buraxılır".
Ekspertin sözlərinə görə, buraxılış imtahanında 60 baldan aşağı bal yığan abituriyentlər qabiliyyət imtahanına belə buraxılmır, müsabiqənin ixtisas seçiminə də buraxılmır:
"Sadəcə bəzi məhdud ixtisaslar var ki, xoreoqrafiya ixtisasına, həmin ixtisasda 30 baldan aşağı topladığı təqdirdə müsabiqə şərtlərini ödəməmiş hesab olunur və müsabiqəyə buraxılmır. I, II, III və IV ixtisas qruplarında ümumi balı 150 baldan aşağı olan abituriyentlər ixtisas seçiminə buraxılmır. Əgər ümumi balı 150 baldan aşağı olsa, buraxılış imtahanından 100 baldan yuxarı bal toplasa da ümumi balın nəticəsinə əsasən ixtisas seçiminə buraxılmır. Yəni abituriyent I, II, III və IV ixtisas qruplarında 150 baldan yuxarı bal toplamalıdır, blok imtahanında 50 baldan yuxarı bal toplamalıdır ki, ixtisas seçimində iştirak edə bilsin".
Ekspert qeyd edib ki, qabiliyyət imtahanları əsasən iki formada nəticələnir ki, bunların birincisi məqbulla qiymətləndirilən, ikincisi bal ilə qiymətləndirilən qabiliyyəti imtahanlarıdır:
"Müsabiqə xüsusilədə pedaqoji ixtisaslarda, müəllimliklərdə (məsələn:təsviri incəsənət müəllimliyi, musiqi müəllimliyi, idman ixtisaslarında məşqçilik istisna olmaqla digər bütün idman ixtisaslarında) nəticə məqbulla qiymətləndirilir. Bal ilə qiymətləndirilən qabiliyyət imtahanlarında abituriyent maksimal 10 bal üzərindən 6 bal toplamalıdır ki, müsabiqə şərtlərini ödəmiş hesab olunsun və ixtisas seçiminə buraxılsın. 6 baldan aşağı bal toplayan abituriyentlər müsabiqə şərtlərini ödəməmiş hesab olunur və ixtisas seçiminə buraxılmır".
Ekspert bildirib ki, dövlət sifarişli ixtisasların və ödənişlu ixtisasların müsabiqə şərtləri var:
"Abituriyent ümumi balı 200 baldan yuxarı, imtahanın 2-ci mərhələsi yəni blok imtahanından da 100 baldan yuxarı bal topladığı təqdirdə I, II, III və IV ixtisas qrupları üzrə bütün ixtisaslardan dövlət sifarişli, yəni pulsuz ixtisaslara müraciət edə bilər. Amma ümumi balı 150-dən 200 bal arasında olan abituriyentlər yalnız məhdud ixtisaslara və ödənişli əsaslarla müraciət edə bilər. Yəni ümumi balı 150-200 bal arasında olan abituriyentlər dövlət sifarişli ixtisaslara, məhdud ixtisaslar içərisindən yalnız kənd təsərrüfatı ixtisasları üzrə, yəni I ixtisas qrupuna aid olan ixtisaslar üzrə dövlət sifarişli ayrılmış yerlərə müraciət hüququ vardır".
"Bununla yanaşı tədriisi ingilis dilində aparılan ixtisaslarda, ingilis dili məhdudiyyəti var, yəni abituriyent 40 baldan yuxarı bal toplamalıdır ki, tədrisi ingilis dilində olan ixtisaslara müraciət eləsin. Bu keçid bəzi universitetlərdə məsələn, ADA, BANM və başqa universitetlərdə xarici dil müsabiqə şərtləri bir az daha yüksəkdir. Xarici dillərdə məhdudiyyət var. Məsələn abituriyent imtahanı xarici dil olaraq alman dilində vermişsə, bəzi ixtisaslarda xüsusilə də filologiya ingilis dilini yaza bilmir. Və yaxud da fransız dilində vermişsə filologiya fransız dili yaza bilir, filologiya ingilis dilini yaza bilmir. Amma xarici dili ingilis dilində verən abituriyentlər, ,həm ingilis dilini ,həmdə digər tədris dillərini yaza bilirlər", - deyə ekspert əlavə edib.