Xəzər Universitetinin “Ədəbiyyat səyyahları” (klv.az) rəsmi internet saytı dahi Azərbaycan şairi Məhəmməd Füzulinin 530 illik yubileyi münasibətilə fəlsəfi-irfani mövzularda hekayə və esse müsabiqəsi elan edir.
Bu barədə “Tehsil365”ə universitetdən məlumat verilib.
Müsabiqənin məqsədi yaxşı sənət nümunələrinin yaranmasına kömək etməkdir.
İştirakçılar müsabiqəyə yazı göndərəndə ad, soyadları ilə birgə şərti adlarını (münsiflər heyətinə təqdim olunması üçün) yazmalıdırlar. Bununla yanaşı, şəxsiyyət vəsiqələrini, ünvan və əlaqə nömrələrini qeyd etməklə qısa tərcümeyi-hallarını müvafiq fayllarda [email protected] elektron poçt ünvanına göndərməlidirlər.
Ədəbi nümunələr müsabiqəyə 2024-cü ilin sentyabr ayının 1-dək qəbul ediləcək, sentyabrın 30-dək münsiflər heyəti tərəfindən dəyərləndiriləcək.