Avqustun 12-si saat 18:00-dan etibarən 2024/2025-ci tədris ili üçün peşə təhsil müəssisələrinə tələbə qəbulu prosesinə yekun vurulub.
Peşə Təhsili üzrə Dövlət Agentliyindən
“Tehsil365”ə bildirilib ki, www.portal.edu.az platforması vasitəsilə 27269 nəfərdən 87656 müraciət daxil olub.
Peşə təhsili almaq istəyən şəxslər əsasən İKT, turizm, sənaye, kənd təsərrüfatı və iaşə sahələrində olan ixtisasları seçməyə üstünlük veriblər.
Müsabiqənin nəticələrinin avqustun 17-də elan olunması nəzərdə tutulur. Nəticələr müraciətçilərə SMS vasitəsilə təqdim edilməklə yanaşı, www.portal.edu.az platformasındakı şəxsi kabinet bölməsində də yer alacaq.
Peşə təhsil pilləsi üzrə boş qalmış plan yerlərinə tələbə qəbulunun II mərhələsinin avqustun 27-dən sentyabrın 3-dək aparılması nəzərdə tutulur.