Müğənni Nigar Camalın qızı Jasmin İngiltərədə universitetə qəbul olub.
Tehsil365 xəbər verir ki, bu barədə ifaçı sosial media hesabında yazıb. O, qızının "London Şəhər Universiteti"nə qəbul olunduğunu bildirib
"Bu gün çox sevincliyəm. Çünki mənim böyük qızım Jasmin İngiltərənin ən nüfuzlu universitetlərindən biri olan "City University of London"a qəbul olub. O, İqtisadiyyat fakültəsində təhsil alacaq. Çox şadam ki, qızım ümidlərimi doğrultdu. Buranın məzunları arasında çox məşhur biznesmenlər, akademiklər var. İnşallah sən də onlardan biri olarsan! Səninlə fəxr edirəm, anasının balası! Arzum səni həmişə xoşbəxt və çox gözəl yerlərdə görməkdir!"
Qeyd edək ki, Nigarın Əminə Səidə adlı daha bir qızı var.