Son günlər sosial şəbəkələrdə Qarabağ Universitetindən yayımlanan videolar insanlar tərəfindən narazılıqla qarşılanıb. Belə ki, tələbələr müxtəlif mahnılar ifa edərək, videolar paylaşır, rəqs edir, əylənirlər.
Tehsil365 xəbər verir ki, məsələ ilə bağlı Qarabağ Universiteti açıqlama verib.
Qarabağ Universitetinin rəsmisi Cavid Hüseynov bildirib ki, bunların əksəriyyəti reytinq və İP xətrinə edilən paylaşımlardır:
"Qarabağ Universitetində hər gün kifayət qədər maraqlı dərslər, görüşlər keçirilir. Milli musiqimizə, müasir yanaşmaya uyğun dərslər və hazırlıqlar aparılır. Qarabağ Universiteti yüksək təhsil və maraqlı sosial həyata start verib. Sadəcə olaraq bəzi səhifələr və saytlar tələbələrin yalnız bu formada “seçilmiş” videoalarını tirajlayır. Daha gözəl nümunələr isə Qarabağ Universitetinin sosial media hesablarında yer alır və həmin “media orqanları”nın diqqətini nədənsə çəkmir. Çox təəssüf…"