Hal-hazırda Azərbaycanda 2 min 913 kütləvi kitabxana mövcuddur. 2913 kütləvi kitabxanalarda 27 milyon 672,9 min nüsxə kitab mövcuddur.
Bu fikirləri “Tehsil365”ə açıqlamasında təhsil eksperti Əli Ələkbərov deyib.
Ekspert bildirib ki, son 18 il ərzində kitabxanaların sayı azalıb.
“Ölkədəki kütləvi kitabxanaların cəmi 3,3%-i və ya 97-si paytaxt Bakıda yerləşir. son 18 ildə – 2005-2023-cü illər ərzində Azərbaycanda kütləvi kitabxanaların sayı 27,3% (1 091 kitabxana) azalıb. Belə ki, 2005-ci ildə ölkədə 4 min 4 kütləvi kitabxana olub. Maraqlıdır ki, kütləvi kitabxanaların sayı azalsa da, bu kitabxanalarda işlələyən işçilərin sayı son 18 ildə 2% artıb. Əgər 2005-ci ildə kütləvi kitabxanalarda işləyən 7 min 832 işçi olubsa, 2023-cü ildə onların sayı 7 min 987 nəfərə yüksəlib. Biz Azərbaycanın müxtəlif bölgələrində yerləşən kitabxanaların sayına nəzər sala bilərik. Məsələn: Ümumi əhalinin cəmi 0,04%-nin və ya 4,4 min nəfərin yaşadığı Xankəndi şəhərində 163 kütləvi kitabxana mövcuddur. Onu da qeyd edim ki, Xankəndi şəhəri Azərbaycanda ən çox kütləvi kitabxananın olduğu şəhər hesab olunur. Xankəndidən sonra ən çox kitabxana Bakı şəhərində (97 kitabxana), Quba rayonunda (85 kitabxana), Kəlbəcər rayonunda (80 kitabxana) və Laçın rayonunda (75 kitabxana) mövcud olub. Əhalinin sayına görə ölkənin ən böyük şəhərlərindən olan Sumqayıtda 12, Gəncədə isə 25 kitabxana olub. Xatırladım ki, Azərbaycanda mövcud olan 2 min 913 kütləvi kitabxananın 98,9%-i və ya 2 min 880-i Mədəniyyət Nazirliyinin tabeliyindədir.
O qeyd edib ki, Mədəniyyət Nazirliyi kütləvi kitabxanalara diqqət aydırdığı kimi, xüsusi kitabxanalara da diqqət ayırmaldıır.
“Bununla yanaşı Azərbaycanda xüsusi kitabxanalar da mövcuddur. Bu kitabxanalardan biri də Respublika Gözdən Əlillər Kitabxanasıdır. Bu kitabxana 1981-ci il iyunun 1-də Azərbaycan Korlar Cəmiyyətinin təşəbbüsü ilə həmin Cəmiyyətin tabeliyində «Mərkəzi Respublika Korlar Kitabxanası» kimi fəaliyyətə başlamışdır. Kitabxananın vəzifəsi I və II qrup gözdən əlillərə kitabxana – informasiya xidməti göstərməkdir. Bu kitabxananın fondunda 7 mindən çox kitab mövcuddur. Əsas məsələ bu kitabxananın harada yerləşməsindən gedir. Respublika Gözdən Əlillər Kitabxanası Bakı şəhəri, 2-ci Sülh döngəsi, ev 2 ünvanında 262 m2 sahəni təşkil edən zirzəmidə yerləşir. Mədəniyyət nazirliyi digər kütləvi kitabxanalara diqqət yetirdiyi kimi, xüsusi kitabxanalara da diqqət ayırmalıdır. Mən ilk dəfə bu kitabxanaya gedəndə kitabxananın yerini yarım saat gəzdikdən sonra tapa bilmişəm. Hesab edirəm ki, Mədəniyyət nazirliyi bu kitabxananı işıqlı və İnsanların rahatlıqla tapa biləcəyi yerə köçürməlidir. Həmçinin kitabxananın fondunda disklərdə səsləndirilib daima da onlardan istifadə olunur. Artıq dövr dəyişib. Mədəniyyət nazirliyi bu kitabxana üçün internet üzərində platforma yaradılmalı və səsləndirilmiş əsərləri o platformaya yükləyərək dinləyicilərin istifadəsinə verilə bilər”.