04.11.2024-cü il tarixdə AHİK-in nümayəndələri Akademiyanın rektoru professor Hüseyn Qaraşov və əməkdaşları ilə görüş keçirilib.
Tehsil365 xəbər verir ki, Görüşdə AHİK-in sədri Sahib Məmmədovun Akademiyanın rektoru professor Hüseyn Qaraşova “Azərbaycan Əmək və Sosial Münasibətlər Akademiyasında səmərəli fəaliyyəti və nümünəvi xidmətlərinə görə” təltif etdiyi TƏŞƏKKÜRNAMƏ-ni AHİK sədrinin müşaviri Orxan Ərəbov təqdim etdi və onun barəsində xoş fikirlərini paylaşdı.
Hüseyn Qaraşov Akademiya ilə bağlı xoş xatirələrini yada salaraq hər bir əməkdaşa gələcək karyerasında uğurlar arzu etdi və Akademiyanın bundan sonra da daim şəffaf fəaliyyət göstərəciyinə şübhəsi olmadığını vurğuladı.
Sonda Həmkarlar İttifaqı kadr və fəallarının ixtisasartırma və yenidən hazırlanması şöbəsinin müdiri Raziyyə Maniyeva tərəfindən rektora xatirə şəkli təqdim edildi.
