Lənkəran Dövlət Universitetində (LDU) Azərbaycan Respublikasında 2024- cü ilin “Yaşıl dünya naminə həmrəylik ili” elan edilməsi ilə əlaqədar “Yaşıl texnologiyalar və ekoloji idarəetmənin prioritetləri” mövzusunda keçirilən növbəti konfransı universitetin Elm və innovasiya məsələləri üzrə prorektoru dos. Elvin Əliyev açıb. Dos. Elvin Əliyev BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası – COP29 kimi mötəbər bir tədbirin Azərbaycanda keçirilməsini dövlətimizin böyük siyasi uğuru kimi dəyərləndirərək LDU-da keçirilən konfransın da bu mötəbər mövzuya həsr olunduğunu bildirib.
Bu barədə “Tehsil365”ə universitetdən məlumat verilib.
Konfransda LDU-nun Sosial məsələlər üzrə prorektoru dos. Ramiz Şəmmədov, aqrar üzrə elmlər doktoru Nailə Orucova, dos. Ramiz Ələkbərov, müəllim Afiq Məlikov, magistrant Mehriban Qüvvətlinin mövzu ilə bağlı məruzələri dinlənilib. Məruzələrdə yaşıl texnologiyaların ekoloji problemlərin həll edilməsində səmərəliliyi, iqlim dəyişmələrinin bitkilərə təsiri, yaşıl enerji və ekoloji idarəetmə və s.məsələlərdən ətraflı söz açılıb.
