Azərbaycan Əmək və Sosial Münasibətlər Akademiyasının (AƏSMA) Gender Araşdırmaları Mərkəzinin təşkilatçılığı ilə “Gender əsaslı zorakılığa qarşı 16 günlük (25 noyabr-10 dekabr) fəallıq kampaniyası çərçivəsində “Təmiz dünya: Qadınlara Yardım İctimai Birliyi”nin rəhbəri, fəl.f.d. Mehriban Zeynalovanın iştirakı ilə “Gender Əsaslı Zorakılıq” mövzusunda müzakirələr aparılıb.
Tehsil365 xəbər verir ki, AƏSMA Gender Araşdırmaları Mərkəzinin rəhbəri dos. Niyar Umarova tədbir barəsində geniş məlumat verib.
Tədbirə başlamazdan əvvəl Şəhidlərimizin xatirəsi 1 dəqiqəlik sükutla yad edilib.
AƏSMA Gender Araşdırmalar Mərkəzinin üzvü dos. Z.Şabanov mövzu ilə əlaqədar maraqlı məlumatlarla çıxış edərək, sonda sözü Mehriban Zeynalovaya verib. Mehriban Zeynalova öz çıxışında “Gender əsaslı zorakılıq” mövzusu ilə əlaqəli bir çox məsələlərə toxunub.
Mövzu ilə əlaqəli 510 B qrup tələbəsi Bəşirova Fatimə tələbələr arasında sorğu keçirib və alınan nəticələrə əsasən öz fikrini maraqlı videoçarxla bildirib.
Tədbirdə geniş əhatəli fikir mübadiləsi aparıldı və sonda rektor vəzifəsini müvəqqəti icra edən dos. N.Mikayılova öz fikirlərini bölüşərək, tədbirdə iştirak etdiyi üçün M.Zeynalovaya təşəkkürünü bildirib.
