Xəzər Universitetinin iqtisadiyyat və menecment fakültəsinin rus bölməsi üzrə I kursunda Dillər və ədəbiyyatlar departamentinin müəllimi Pərvin Eyvazov tərəfindən tədris olunan "Azərbaycan dilində işgüzar və akademik kommunikasiya" fənninin növbəti mövzusu Azərbaycan Xüsusi Təyinatlı Qüvvələrinin polkovnik-leytenantı, ikinci Qarabağ müharibəsinin iştirakçısı və şəhidi, Vətən Müharibəsi Qəhrəmanı Ramiz sübhan oğlu Cəfərovun xatirəsinə həsr olunub.
Tehsil365 xəbər verir ki, Polkovnik-leytenant Ramiz Cəfərovun 50 illik yubileyi ərəfəsinə təsadüf edən dərsdə öncə Azarbaycan Respublikasının Dövlət Himni səsləndirilib, şəhidin əziz xatirəsi bir dəqiqəlik sükutla yad olunub,
Şəhidin qızı, iqtisadiyyat və menecment fakültəsinin 1-ci kurs tələbəsi Nərgiz Cəfərova geniş çıxş edərək, Ramiz Cəfərovun şərəfli ömür yolundan, xidmət etdiyi dövrdə göstərdiyi igidliklərdən, həmçinin şəhidin ailə başçısı kimi şəxsi keyfiyyətlərindən söz açıb, atası ilə bağlı xatirələrini bölüşüb.
Sonra Ramiz Cəfərovun ömür yolundan bəhs olunan videoçarx nümayiş olunub.
Sonda fənn müəllimi Pərvin Eyvazov çıxış edərək, belə qəhrəmanlarımızın hər bir vətəndaş üçün nümunə olduğunu vurğulayıb, gəncləri vətənpərvər ruhda yetişməyə çağırıb.
