Dekabrın 31-nə keçən gecə “Qara Ay” adlanan nadir astroloji hadisə baş verib.
Tehsil365 xəbər verir ki, alimlərin məlumatına görə, Ayın bütün diski planetin kölgəsində qalıb və Yerin peyki tamamilə gözdən itib.
“Qara Ay” hadisəsi dekabrın 31-də Bakı vaxtı ilə saat 02:27-də baş verib. Bu zaman Yerin peyki planetin kölgəsində olmaqla Günəşə mümkün qədər yaxın olub.
Dekabrın 31-i Bakı vaxtı ilə saat 14:00-a qədər “Qara Ay” hadisəsi davam edəcək.
Alimlərin izah etdiyi kimi, Ay adətən bir ayda 4 mərhələdən keçir - yeni ay, birinci rüb (böyümə), tam ay və sonuncu rüb (azalma). Bu ilin dekabrındakı fərq ondan ibarətdir ki, Yer peykinin "beşinci mərhələsi" olub.
Bu fenomen öz adını 20-ci əsrdə, astroloqlar Ayın hiperbolik orbitlərindən daha fəal istifadə etməyə başlayanda alıb.
Dekabrda və Yeni il ərəfəsində “Qara Ay” hadisəsi əsrdə cəmi 3-4 dəfə baş verən böyük bir nadir hadisədir. 20-ci əsrdə oxşar hadisələr 1910, 1929, 1967 və 1986-cı illərdə baş verib.
Sonuncu dəfə “Qara Ay” hadisəsi 30 aprel 2022-ci ildə müşahidə edilib, növbəti dəfə isə fenomen yalnız 31 avqust 2027-ci ildə baş verəcək.
Ay ritmlərinə həssas olan insanlar üçün yuxusuzluq, baş ağrısı və ya enerji çatışmazlığı ola bilər. Bu dövrdə bəziləri emosional qeyri-sabitlik və narahatlıq yaşaya bilər. Bundan əlavə, qəzaların baş vermə ehtimalı artdığından yolda və avtomobil idarə edərkən diqqətli olmaq tövsiyə olunur.
Astroloqların məsləhətinə görə, dekabrın 31-də diqqətinizi həqiqətən vacib olan şeylərə yönəltməlisiniz. Məsələn, sağlamlıq, təhsil, dostluq və ya hobbilərə. Onlar bütün inciklikləri və mənfi emosiyaları buraxmağı, diqqəti müsbət məqamlara, onları sevən və dəstəkləyən insanlara yönəltməyi məsləhət görürlər.