Yanvarın 8-dən Azərbaycan Gənc Müəllimlər Assosiasiyası (AGMA) xarici ölkələrdə yaşayan azərbaycanlılar üçün “Ana dili" – Azərbaycan məktəbinə ikinci yarımil üzrə qeydiyyat elan edir.
Tehsil365 xəbər verir ki, bu barədə AGMA məlumat yayıb.
Belə ki, “Ana dili" – Azərbaycan məktəbi ölkəmizdən kənarda yaşayan müxtəlif yaş qruplarından olan soydaşlarımız üçün Azərbaycan dilini məsafədən öyrənmə imkanını təmin edən layihədir. Layihədə iştirak etmək istəyən şəxslər öz yaş və dilbilmə səviyyələrinə, həmçinin vaxt zonasına uyğun yaradılan qruplarda Azərbaycan dili dərslərinə qoşulmaq imkanı əldə edirlər.
2024-2025-ci tədris ilini əhatə edən layihədə dərslər ödənişsiz əsaslarla təcrübəli mütəxəssislər tərəfindən keçirilir. Hazırda 300-dən çox soydaşımız dərslərə qoşulur.
İkinci yarımil üzrə dərslərin 25.01.2025-ci il tarixində başlaması nəzərdə tutulmuşdur.
Qeydiyyat linki: https://forms.gle/cXsKcAz2k4t3EczUA
Elektron poçt: [email protected]
Mobil: +994 51 226 71 21 (“WhatsApp”, “Telegram”)
Son müraciət tarixi: 17 yanvar 2025-ci il.