Bakı Dövlət Universitetinin (BDU) Karyera və məzunlarla iş mərkəzi və Niderlandın “Ekspats” şirkətinin əməkdaşları arasında onlayn görüş keçirilib.
BDU-dan “Tehsil365”ə bildirilib ki, görüşdə mərkəzin əsas fəaliyyət istiqamətləri, tələbə və məzunların karyera quruculuğuna, əmək bazarına adaptasiya etmələrinə verdiyi töhfələr barədə məlumat verilib. Həmçinin “Ekspats” şirkətinin fəaliyyət istiqamətlərindən danışılıb. BDU-nun tələbə və məzunlarına göstərilə biləcək xidmətlərlə bağlı suallar şirkət əməkdaşları tərəfindən ətraflı cavablandırılıb.
Görüş zamanı əməkdaşlığın reallaşdırılması istiqamətində mühüm addımların atılmasının vacibliyi, bu əməkdaşlığın BDU-nun tələbə və məzunlarının xarici sferada məşğulluq səviyyəsinin artırılmasında önəmli rolu kimi məsələlər də müzakirə edilib.