Azərbaycanda inşaat məhsulları üzrə ən böyük satış şəbəkəsi kimi tanınan OMİD Mağazalar Şəbəkəsi şeir müsabiqəsinin qaliblərini mükafatlandırıb.
Tehsil365 xəbər verir ki, 21.11.2024-cü il tarixində start verilən müsabiqə poeziya həvəskarlarını bir araya gətirib.
600-ə yaxın peşəkar və həvəskar şair müsabiqədə iştirak edib. Şeirlər peşəkar münsiflər heyəti, Azərbaycan Respublikasının əməkdar incəsənət xadimi Baba Vəziroğlu, Azərbaycanın əməkdar jurnalisti Qulu Ağsəs, xalq artisti Mübariz Tağıyev tərəfindən dəyərləndirildi. Münsiflərin diqqətli qiymətləndirməsindən sonra müsabiqənin qalibləri elan olunub.
11.01.2025-ci il tarixində şeir müsabiqəsinin mükafatlandırma mərasimi keçirilib. Tədbirdən əvvəl qaliblər FAB şirkətlər Qrupunun istehsal müəssisələri ilə tanış edildilər, istehsalat prosesini izləyiblər. Daha sonra FAB Akademiyasının konfrans zalında mükafatların təqdimetmə mərasiminə başlanılıb. Mərasimdə şirkətin təsisçilərindən Anar Əliyev OMİD Mağazalar Şəbəkəsinin baş direktoru Burhan Səvahil, FAB boyalarının istehsalat müdiri Elşad Abdullayev, marketinq departamentinin rəhbəri Rüstəm Məmmədov və digər rəhbər şəxslər, qonaqlar iştirak ediilər. Beləliklə,
I yerin sahibi Rüstəmova Gülnara 1000 AZN
II yerin sahibi Vasif Şükürə 800 AZN
III yerin Gülümova Qızbəstiyə (Bəsti Məmməd) 600 AZN pul mükafatı və sertifikat təqdim olunub. Həvəsləndirici yerə layiq görülmüş 30 iştirakçı sertifikat və müxtəlif hədiyyələrlə mükafatlandırılıb.
Qeyd edək ki, OMİD Mağazalar Şəbəkəsi 30 ildən çoxdur ki, keyfiyyətli məhsul, sərfəli təklif, uyğun qiymət anlayışı ilə müştəriyönümlü xidmətini günbəgün inkişaf etdirməkdədir. Şirkət bu cür korporativ məsuliyyət layihələri ilə ədəbiyyata, incəsənətə dəstək olaraq cəmiyyətə töhfə verir. OMİD Mağazalar Şəbəkəsi olaraq qalibləri təbrik edir, müsabiqə iştirakçılarına təşəkkürünü bildirir. Gələcək fəaliyyətlərində uğurlar arzulayır.
