Oksford Universitetinin alimləri süd içməyin bağırsaq sağlamlığına müsbət təsir etdiyini və kolorektal xərçəng riskini 14% azaldığını müəyyən ediblər.
Tehsil365 xəbər verir ki, araşdırma nəticələri "Nature" jurnalında dərc olunub. Araşdırmaya Avropada yaşayan yarım milyondan çox orta yaşlı və yaşlı qadın qatılıb. Pəhrizlərində süd və qatıq kimi süd məhsullarını daxil edən iştirakçılarda kolorektal xərçəngin inkişaf riski azalıb.
Təhlillər göstərib ki, süd və digər süd məhsulları xərçəng əleyhinə təsir göstərən ən yaxşı qida növləri arasında olub. Alimlər bu faydalı təsiri, süd məhsullarının tərkibindəki kalsiumla əlaqələndiriblər. Gündəlik 300 qram kalsium istehlakı xərçəng riskini 17% azaldır.
Tədqiqatçılar həmçinin süd məhsullarının və soyanın xərçəng riskini azaltmağa kömək edə biləcək digər kalsium mənbələri olduğunu vurğulayıblar. Bununla yanaşı, alimlər qeyd ediblər ki, süd və kalsium xərçəng riskini azalda bilər, lakin pəhrizin digər amilləri, məsələn, spirtli içkilərin və işlənmiş ətlərin istehlakı riskin artmasına səbəb ola bilər. Gündəlik iki standart içki içmək xərçəng riskini 15%, 30 qram qırmızı və ya işlənmiş ət istehlakı isə 8% artırır.