2024-cü ilin oktyabr ayından etibarən ümumtəhsil müəssisələrində “Cerebry” rəqəmsal platformasının istifadəsinə start verilib.
Bu barədə "Tehsil365"ə Qazax-Tovuz Regional Təhsil İdarəsindən məlumat verilib. Bildirilib ki, bu platformanın əsas məqsədi şagirdlərin riyaziyyat və təbiət fənləri üzrə səriştə əsaslı tapşırıqlarla rəqəmsal bacarıqlarını artırmaq, məktəbdə əldə etdikləri bilikləri real həyata tətbiq etmələrinə şərait yaratmaq və analitik düşüncə tərzlərini inkişaf etdirməkdir.
Layihə çərçivəsində müəllimlər üçün xüsusi təlimlər təşkil edilib, platformanın tətbiqi ilə bağlı texniki və metodiki dəstək göstərilib.
Qeyd edək ki, “Cerebry” platforması vasitəsilə şagirdlər müasir tədris metodlarına uyğun şəkildə interaktiv və innovativ öyrənmə imkanlarına sahib olacaqlar.
