Azərbaycan Milli Elmlər Akademiyasının (AMEA) Arxeologiya və Antropologiya İnstitutu İçərişəhərdə yerləşən Muzey-sərgi zalında elmi-praktik təcrübə proqramı təşkil edəcək. Muzey işi sahəsində nəzəri və praktiki biliklərə yiyələnmək, tarixi artefaktlarla işləmək və arxeologiya sahəsində təcrübə qazanmaq istəyən gənclər bu proqramda iştirak edə bilərlər.
Bu barədə "Tehsil365"ə Azərbaycan Milli Elmlər Akademiyasından məlumat verilib.
Həmin elanı təqdim edirik:
Müsabiqənin Şərtləri:
İntizamlı, ünsiyyətcil, kollektivdə işləmə bacarığı olan, xarici dil biliyinə sahib olan gənclərə üstünlük veriləcək;
Tarix, tarix müəllimliyi, incəsənət və turizm ixtisasında təhsil alanlar prioritet namizədlər sırasına daxildir;
Seçim prosesi CV və elektron forma əsasında aparılacaq, uğur qazanan namizədlər müsahibə mərhələsinə keçəcəklər;
Qəbul olunan iştirakçılar muzeyin iş qrafikinə uyğun təcrübəyə cəlb olunacaqlar.
Proqramın Mərhələləri:
1-ci hissə – 30 günlük təlim;
2-ci hissə – 4 aylıq əyani təcrübə.
Proqramı uğurla tamamlayan könüllülərə AMEA Arxeologiya və Antropologiya İnstitutu tərəfindən sertifikat və tövsiyə məktubu təqdim ediləcək, ən fəal iştirakçılar isə mükafat və diplom qazanacaq.
Son müraciət tarixi: 20 fevral 2025
Əlaqə: 012 492 52 36
E-mail: [email protected]
Müraciət forması: https://forms.gle/iQV9oFWDdFR9uQy76