Bakı və Abşeron-Xızı bölgəsində yaşayan gənclər üçün yeni imkanlar yaradan "Vision in Action" layihəsinə start verilib. Layihə, iqtisadi çətinliklərlə üzləşən, məcburi köçkün və ya fiziki məhdudiyyətli olan, eləcə də təhsil və peşəkar resurslara çıxışı məhdud olan gəncləri bir araya gətirməyi hədəfləyir.
"Təhsil365" İnformasiya Agentliyi həmin layihəni təqdim edir.
Layihənin əsas üstünlükləri:
Fərdi Təlim Proqramları – Ünsiyyət, vaxtın idarə olunması, liderlik və emosional zəka kimi bacarıqların inkişafı;
Bacarıqların İnkişafı Vebinarları – Karyera planlaması, iş axtarışı və texnologiyadan effektiv istifadə mövzusunda seminarlar;
Karyera Rəhbərliyi və Şəbəkələşmə – Peşəkar mentorlarla birgə fəaliyyət və inkişaf imkanları;
Mentorluq Dəstəyi – Şəxsi inkişaf üçün xüsusi mentorlarla əməkdaşlıq;
Emosional rifah – Yaradıcı və müalicəvi fəaliyyətlər vasitəsilə emosional möhkəmlik qazanmaq;
Beynəlxalq Sertifikat – Layihəni uğurla başa vuran iştirakçılar Avropa İttifaqı tərəfindən tövsiyə edilən sertifikat əldə edəcəklər.
Layihənin müddəti və müraciət qaydaları
5 ay davam edəcək layihə çərçivəsində hər ay iki və daha çox fəaliyyət təşkil olunacaq. Proqramda iştirak etmək istəyən gənclər 15 fevral 2024-cü il tarixinədək aşağıdakı link vasitəsilə qeydiyyatdan keçə bilərlər:
Qeydiyyat linki
Gənclərin potensialını artırmaq və daha parlaq gələcək qurmaq üçün nəzərdə tutulan "Vision in Action" layihəsi, onların fərdi və peşəkar inkişafına əhəmiyyətli töhfə verməyi qarşısına məqsəd qoyub.