Mart ayında beşgünlük iş həftəsi ilə çalışanlar üçün 17 gün qeyri-iş günü olacaq.
"Tehsil365" xəbər verir ki, 2025-ci ilin istehsalat təqviminə əsasən, mart ayında beşgünlük iş həftəsi ilə çalışanlar üçün 17 gün qeyri-iş günü olacaq.
Martın 8-i Beynəlxalq Qadınlar Günüdür və şənbə gününə təsadüf etdiyindən, beşgünlük iş həftəsində martın 10-u da iş günü sayılmayacaq.
Bundan əlavə, 20-24 mart tarixləri Novruz bayramı günləri kimi qeyri-iş günləri hesab olunur. Əmək Məcəlləsinə və Nazirlər Kabinetinin müvafiq qərarlarına əsasən, bu bayram günlərinin şənbə və bazara təsadüf etməsi səbəbindən 25 və 26 mart da qeyri-iş günü elan edilib.
Beləliklə, mart ayında beşgünlük iş həftəsi ilə çalışanlar üçün şənbə və bazar günləri də daxil olmaqla cəmi 17 gün iş olmayacaq.
Altıgünlük iş həftəsi ilə çalışanlar üçün isə mart ayında 12 gün qeyri-iş günü nəzərdə tutulub, çünki 10 və 26 mart tarixləri onlar üçün iş günüdür.