Azərbaycan Respublikasının Gənclər Fondu, Azərbaycan Texnologiya Universiteti və Təhsilin İnkişafı Fondunun təşkilatçılığı, “Səhliyalı” şirkətinin sponsorluğu ilə “GreenTech II” müsabiqəsinə start verilib.
"Tehsil365" xəbər verir ki, müsabiqə Azərbaycan Texnologiya Universitetinin 55 illik yubileyi çərçivəsində təşkil olunur və final mərhələsi 17 aprel 2025-ci ildə Gəncə şəhərində keçiriləcək.
İştirak etmək istəyən tələbələr 17 fevral – 7 aprel 2025-ci il tarixləri arasında atu.edu.az/greentech linki vasitəsilə qeydiyyatdan keçə bilərlər.
Müsabiqə ilə bağlı vacib qeydlər:
✔ Bütün ali təhsil müəssisələrinin tələbələri müsabiqədə iştirak edə bilərlər.
✔ Tələbələr üçün Bakı-Gəncə-Bakı marşrutu üzrə nəqliyyat transferi təşkil olunacaq.
Ekoloji innovasiyalara töhfə vermək istəyən gənclər üçün əla fürsət!