“Regional İnkişaf” İctimai Birliyi (RİİB) Azad Mirzəcanzadə İnkişaf Proqramının növbəti mərhələsinə start verib. Bu proqram görkəmli alim Azad Mirzəcanzadənin unikal tədris metodlarından ilhamlanaraq, istedadlı gənclərin inkişafına dəstək olmağı hədəfləyir.
"Tehsil365" xəbər verir ki, proqram çərçivəsində seçilən ən yaxşı layihə müəlliflərinə 5000 manatadək maliyyə dəstəyi təqdim olunacaq. Bununla yanaşı, iştirakçılar peşəkar təlimlərə qatılacaq, layihələrin hazırlanması və təqdimatı üzrə biliklərini artıracaq, həmçinin liderlik bacarıqlarını inkişaf etdirmək üçün müxtəlif fəaliyyətlərdə iştirak edəcəklər.
Kimlər müraciət edə bilər?
18-35 yaş arasında olan hər bir Azərbaycan vətəndaşı proqramda iştirak edə bilər. Layihələr müxtəlif sahələri – sosial, sahibkarlıq, ekoloji və innovativ təşəbbüsləri əhatə edə bilər.
Qeyd edək ki, proqram 2023-cü ilin sentyabr ayında elan edilib və artıq ilk 6 qalib layihələrini uğurla tamamlayıb. Bu, proqramın həm yenilikçi yanaşmaları dəstəklədiyini, həm də cəmiyyətə real təsir göstərdiyini sübut edir.
Müraciət üçün:
Proqrama qatılmaq istəyənlər aşağıdakı link vasitəsilə qeydiyyatdan keçə bilərlər:
🔗 Qeydiyyat linki
Son müraciət tarixi: 28 fevral 2025
Əlavə məlumat üçün "Regional İnkişaf” İctimai Birliyinin 150 Çağrı mərkəzinə müraciət edə bilərsiniz.