Lütfi Zadə adına riyaziyyat-məntiq olimpiadası və Məktəblilərarası fənn müsabiqələrinin rayon (şəhər) mərhələsi keçirilib
"Tehsil365" xəbər verir ki, 2 mart tarixində istedadlı şagirdlərin aşkara çıxarılması və onların elmi potensialının inkişaf etdirilməsi məqsədilə Məktəblilərarası fənn müsabiqələrinin və Lütfi Zadə adına riyaziyyat-məntiq olimpiadasının rayon (şəhər) mərhələsi təşkil olunub. Müsabiqələr ölkənin bütün bölgələrində 260 imtahan mərkəzində baş tutub. Elm və Təhsil Nazirliyinin dəstəyi ilə keçirilən bu bilik yarışlarına ümumilikdə 105 000-ə yaxın şagird qeydiyyatdan keçib.
Qeyd edək ki, Lütfi Zadə adına riyaziyyat-məntiq olimpiadası V sinif, fənn müsabiqələri isə VI-VII sinif şagirdləri üçün nəzərdə tutulub. VI sinif şagirdləri riyaziyyat, informatika və təbiət fənləri, VII sinif şagirdləri isə riyaziyyat, fizika, kimya və biologiya fənləri üzrə biliklərini sınayıblar.
Müsabiqənin nəticələrinin 14 mart tarixindən etibarən elan edilməsi gözlənilir. Uğur qazanan şagirdlər növbəti mərhələdə iştirak hüququ əldə edəcəklər.
İmtahan kitabçaları:
Müsabiqədə iştirak edən bütün şagirdlərə uğurlar arzulayırıq!
