Bu gün “Tehsil365” İnformasiya Agentliyinin yaranmasından 2 il ötür. "Tehsil365" İnformasiya Agentliyi 2023-cü ilin martın 14-də fəaliyyətə başlamışdır. Fəaliyyət göstərdiyimiz gündən etibarən aktual və doğru xəbərlər çatdırmaq, eləcə də orijinal materiallar toplamağa üstünlük vermişik.
İki il ərzində agentliyimiz böyük uğurlar qazanmış, cəmiyyətə etibarlı və dolğun informasiya təqdim etməyi öz prioriteti etmişdir. Bu müddət ərzində İnformasiya Agentliyimizə 1000-dən çox müraciət daxil olmuş və hər bir müraciətə xüsusi yanaşılaraq, peşəkar şəkildə araşdırılmış və ictimaiyyətə çatdırılmışdır.
Hazırda "Tehsil365" İnformasiya Agentliyinin arxivində 25 mindən çox xəbər mövcuddur. Bu, bizim kollektivimizin fədakar əməyi və peşəkarlığının nəticəsidir. Agentlik, təhsillə bağlı ən son yenilikləri, analitik təhlilləri və eksklüziv müsahibələri oxucularımıza təqdim etməklə informasiya məkanında layiqli yerini tutmuşdur.
Yarandığımız gündən bu günə qədər ilk əməkdaşlıq etdiyimiz platforma olan "Gözüm ol mənim" ilə başladığımız yolda, qarşıya qoyulan əsas məqsədlərdən biri də dövlət və digər qurumlarla yaxından əməkdaşlıq etməkdir.
"Tehsil365" İnformasiya Agentliyi hal-hazırda 4 dildə — Azərbaycan, Türk, Rus və İngilis dillərində xidmət göstərir.
Gələcək illərdə də "Tehsil365" yeni-yeni uğurlara imza atmağı, təhsil sahəsindəki ən yeni və dolğun xəbərləri oxucularımızla paylaşmağı hədəfləyir. İnnovativ yanaşmalar və müasir texnologiyalardan istifadə edərək, informasiya sahəsində daha da irəliləmək əsas məqsədimizdir.
Bu əlamətdar gün münasibətilə, agentliyimizin bütün əməkdaşlarını, tərəfdaşlarımızı və dəyərli oxucularımızı təbrik edir, birgə uğurlarımızın davamlı olmasını arzulayırıq.
“Tehsil365” İnfarmasiya Agentliyinin təsisçisi və direktoru:
Əli Ələkbərov
“Tehsil365” İnfarmasiya Agentliyinin baş redaktoru:
Aydan Ələkbərova
“Tehsil365” İnfarmasiya Agentliyinin müxbiri:
Şəms Əhmədzadə
“Tehsil365” İnfarmasiya Agentliyinin müxbiri:
Elmina Muxtarlı