Qarabağ Regional Təhsil İdarəsi tərəfindən müəllimlərə sertifikatlaşdırma prosesi ilə bağlı dəstək məqsədilə növbəti görüş təşkil edilib.
Bu barədə "Tehsil365"ə Qarabağ Regional Təhsil İdarəsindən məlumat verilib. Bildirilib ki, görüşdə Tərtər rayonu üzrə kimya, biologiya, coğrafiya, informatika və fizika müəllimləri, həmçinin idarənin əməkdaşları iştirak ediblər.
Tədbir zamanı sertifikatlaşdırma prosesi ilə bağlı qarşılıqlı fikir mübadiləsi aparılıb, imtahanın təşkili qaydaları, gözlənilən nəticələr, çərçivə sənədi və digər məsələlər barədə geniş məlumat verilib. Sonda müəllimlərin sualları cavablandırılıb.
Qeyd edək ki, təhsilverənlərin sertifikatlaşdırılmasının əsas məqsədi ümumi təhsil müəssisələrində pedaqoji və idarəetmə fəaliyyəti ilə məşğul olan, ali və orta ixtisas təhsilinə malik təhsilverənlərin peşəkarlıq səviyyəsini və peşə yararlılığını yoxlamaq, onların peşəkar inkişafına nail olmaq və təlim ehtiyaclarını öyrənməkdir.
