Naxçıvan Dövlət Universitetinin Elmi Kitabxanasında Azərbaycan ədəbiyyatı kafedrasının professoru, filologiya elmləri doktoru Əsgər Qədimovun müəllifi olduğu “Ədəbi izlər sorağında” adlı kitabın təqdimat mərasimi təşkil edilib.
Bu barədə "Tehsil365"ə Naxçıvan Dövlət Universitetindən məlumat verilib. Bildirilib ki, tədbirdə universitetin Elm və innovasiyalar üzrə prorektoru Elsevər Əsədov son dövrlər əldə olunan elmi nailiyyətlərdən bəhs edərək, təqdim edilən monoqrafiyanı akademik heyət və tələbələr üçün mühüm töhfə kimi qiymətləndirib.
Daha sonra Tarix-filologiya fakültəsinin dekanı Arif Ağalarov, filologiya üzrə fəlsəfə doktorları – dosentlər Nurlana Əliyeva, Xanəli Kərimli, Nüşabə Məmmədova, Seyfəddin Eyvazov və digər çıxışçılar kitabın tədris prosesindəki əhəmiyyətindən danışaraq müəllifə gələcək fəaliyyətində uğurlar arzu ediblər.
Tədbirin sonunda Əsgər Qədimov göstərilən diqqətə görə universitet rəhbərliyinə minnətdarlığını bildirib.
