Martın 19-da Qazax-Tovuz Regional Təhsil İdarəsində vətəndaş qəbulu təşkil olunub. Qəbulu idarənin müdiri səlahiyyətlərini icra edən, müdir müavini Anar Məcidov həyata keçirib.
“Tehsil365” xəbər verir ki, vətəndaşlar əsasən işlə təmin olunma, əmək müqaviləsinin müddətinin uzadılması, dərs saatlarının artırılması və digər məsələlərlə bağlı müraciətlər ediblər.
Qeyd edək ki, vətəndaş qəbulunun keçirilməsində məqsəd vətəndaş məmnuniyyətini təmin etmək, onların müraciətlərinə operativ reaksiya vermək və təhsil müəssisələrində sağlam, şəffaf mühitin formalaşdırılmasına töhfə verməkdir.
