Uşaqların izlədiyi cizgi filmləri onların psixologiyasına müxtəlif formalarda təsir edə bilər. Mütəxəssislər bildirirlər ki, bəzi cizgi filmləri uşaqlarda müsbət vərdişlər formalaşdırsa da, digərləri aqressiya, qorxu və narahatlıq hissi yarada bilər.
"Tehsil365"in məlumatına görə "Dora the Explorer", "Paw Patrol", "Bluey" və "Sesame Street" kimi cizgi filmləri uşaqlarda problem həll etmə bacarıqlarını inkişaf etdirir, empatiya hissini gücləndirir və təhsilə maraq oyadır. Lakin "Courage the Cowardly Dog", "Tom and Jerry", "Happy Tree Friends" və "Grizzly and the Lemmings" kimi bəzi cizgi filmləri şiddət, qorxu və aqressiv davranışları təbliğ edə bilər.
Mütəxəssislər valideynlərə xəbərdarlıq edərək, uşaqların yaşına uyğun olmayan cizgi filmlərinin onların psixologiyasına mənfi təsir göstərə biləcəyini bildirirlər. Valideynlərə övladlarının izlədiyi məzmunlara nəzarət etmələri və onların inkişafına müsbət töhfə verən cizgi filmlərinə üstünlük vermələri tövsiyə olunur.