2025-ci il martın 31-də Xəzər Universiteti Tarix və Arxeologiya Departamentinin müdiri, dosent Telman Nüsrətoğlu Azərbaycan Dövlət Televiziyasının (AZTV) Quba Soyqırımı Memorial Kompleksi önündən həyata keçirdiyi canlı yayımın qonağı olub.
"Tehsil365" xəbər verir ki, canlı yayım zamanı Telman Nüsrətoğlu Cənubi Qafqazda erməni terrorunun tarixi, eləcə də Azərbaycan Xalq Cümhuriyyətinin 15 iyul 1918-ci ildə yaratdığı Fövqəladə Təhqiqat Komissiyasının 1918-ci il Mart soyqırımı ilə bağlı hazırladığı çoxcildlik sənədlər və istintaq materialları haqqında geniş məlumat verib.
O, tarixi faktlara əsaslanaraq, Mart soyqırımının Azərbaycan xalqına qarşı törədilmiş qanlı cinayətlərdən biri olduğunu vurğulayıb və bu hadisələrin beynəlxalq səviyyədə tanıdılmasının vacibliyini qeyd edib.