Naxçıvan Dövlət Universitetində Ramazan bayramı münasibətilə sosial layihə həyata keçirilib.
"Tehsil365" xəbər verir ki, Naxçıvan Dövlət Universitetində (NDU) Ramazan bayramı münasibətilə sosial layihə təşkil olunub. Layihə çərçivəsində universitet və ona tabe qurumların ümumilikdə 200 nəfərlik təsərrüfat heyətinə bayram sovqatı paylanılıb.
Bundan əlavə, universitetin tələbə yataqxanasında yaşayan əcnəbi və yerli tələbələrə bayram münasibətilə hazır yeməklər təqdim edilib. Sosial Mərkəzdə keçirilən tədbirdə 80-dən çox tələbə iştirak edib.
NDU-nun rektoru Elbrus İsayev bayram münasibətilə universitet əməkdaşlarını və tələbələri təbrik edib. Tədbirdə iştirak edənlər göstərilən diqqət və qayğıya görə minnətdarlıqlarını bildiriblər.