Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrində aprel ayı kimya və biologiya fənn aylığı kimi elan edilib.
"Tehsil365" xəbər verir ki, fənn aylıqları çərçivəsində təhsil müəssisələrində divar qəzetlərinin buraxılması, açıq dərslərin keçirilməsi, dərsdinləmələrin təşkili və müxtəlif tədbirlərin icrası nəzərdə tutulub. Bundan əlavə, debatlar və dəyirmi masalar təşkil ediləcək.
Qeyd edək ki, fənn aylıqlarının keçirilməsinin əsas məqsədi ümumi təhsil müəssisələrində tədrisin keyfiyyətini yaxşılaşdırmaq, fənlərin tədris səviyyəsini yüksəltmək, şagirdlərin öyrənməyə marağını artırmaq, həmçinin müəllim və şagirdlərin tədris prosesində fəaliyyət səviyyəsini öyrənmək və təbliğ etməkdir.