"Tehsil365" İnformasiya Agentliyində "Şəhidin səsi" proqramı başlayır
"Təhsil365" İnformasiya Agentliyi yeni bir layihəyə start verir. Aprelin 14-dən etibarən "Şəhidin Səsi" adlı proqram yayımlanacaq. Layihənin əsas məqsədi – Vətən uğrunda canından keçən şəhid hərbçilərimizin həyat yolunu, qəhrəmanlıqlarını cəmiyyətə tanıtmaq, onların əziz xatirəsini yaşatmaqdır.
İctimai maarifləndirmə xarakteri daşıyan proqram şəhid ailələrinin, silahdaşlarının və müəllimlərinin iştirakı ilə təqdim olunacaq. Hər buraxılışda bir şəhidin həyat və döyüş yolu işıqlandırılacaq, səsləndirilən hissələrlə onların səsi, ruhu yaşadılacaq.
Qeyd edək ki, layihənin ilk buraxılışı 14 aprel tarixində yayımlanacaq və şəhid Vüsal Məmmədova həsr olunacaq.
"Şəhidin Səsi" – susmayan ruhların carçısı olacaq!