Aprelin 15-də AMEA-da tarix elmləri doktoru, Naxçıvan Dövlət Universitetinin müəllimi Sevinc Abbasovanın “İlham Əliyev: Qadınlara istiqamətli qlobal təşəbbüslər və gender bərabərliyinin inkişafı (2003-2023)” kitabının təqdimatı olub.
“Tehsil365” xəbər verir ki, tədbirdə çıxış edən AMEA-nın prezidenti akademik İsa Həbibbəyli kitabda 2003-2023-cü illərdə Azərbaycanda həyata keçirilmiş gender siyasətinin ön plana çəkildiyini söyləyib. Bildirib ki, nəşrdə dövlətimizin milli-mənəvi dəyərlərimizi gender siyasətinin əsas perspektiv istiqamətinə çevrilməsi yolunda atdığı addımlardan və gender bərabərliyinin inkişafında bir sıra taleyüklü məsələlərdən bəhs olunub.
Tədbirdə Milli Məclisin deputatları Hicran Hüseynova, Fazil Mustafa, professorlar Həvva Məmmədova, Qəzənfər Paşayev və başqaları kitab haqqında fikirlərini bölüşüblər.