Azərbaycan Dövlət Pedaqoji Universiteti Tələbə Gənclər Təşkilatının (ADPU TGT) yaradılmasının 20 illiyi münasibətilə “G20 - Gənclikdən gələcəyə” adlı tədbir keçirilib.
Bu barədə “Tehsil365”ə universitetdən məlumat verilib.
Tədbiri açan ADPU-nun rektoru professor Cəfər Cəfərov təşkilatın universitet həyatına verdiyi töhfələrdən danışıb, könüllü fəaliyyətin əhəmiyyətini vurğulayıb. Rektor ADPU TGT-nin tələbələrin liderlik bacarıqlarının formalaşmasında və ictimai fəallığının artmasında mühüm rol oynadığını xüsusi qeyd edib.
Azərbaycan Tələbə Gənclər Təşkilatları İttifaqının (ATGTİ) sədri Rəşad Zeynalov və ADPU TGT-nin sədri Çiçək Sultanlı çıxışlarında təşkilatın 20 illik zəngin və dinamik fəaliyyətini qeyd ediblər.
Tədbirin davamında 20 il ərzində ADPU TGT-nin bir parçası olmuş, tarixinə iz qoymuş məzunların fikirləri və xatirələrinin əks olunduğu videoçarx nümayiş edilib.
Daha sonra konsert proqramı təqdim edilib.
Tədbirdə, eyni zamanda, tələbələr tərəfindən çəkilən, təşkilatda tarix boyu istifadə olunan loqolar sərgilənib.
