Lənkəran Dövlət Universitetinin (LDU) təsis etdiyi Technical and Agrarian Sciences International Scientific Journal -Texnika və Aqrar Elmləri Beynəlxalq Elmi Jurnalı Azərbaycan Respublikası Prezidenti yanında Ali Attestasiya Komissiyası tərəfindən Azərbaycan Respublikasinda dissertasiyalarin əsas nəticələrinin dərc olunmasi tövsiyə edilən dövri elmi nəşrlərin Texnika, Biologiya və Aqrar Elmləri üzrə siyahısına daxil edilib.
Bu barədə “Tehsil365”ə LDU-dan məlumat verilib.
Azərbaycan Respublikası Prezidenti yanında Ali Attestasiya Komissiyasının rəhbərliyinə və kollektivinə göstərilən etimada görə minnətdarlığımızı bildirir, Lənkəran Dövlət Universitetinin bütün kollektivini, jurnalın redaksiya heyətini, məqalə müəlliflərini və oxucuları təbrik edirik.
Xatırladaq ki, Technical and Agrarian Sciences International Scientific Journal -Texnika və Aqrar Elmləri Beynəlxalq Elmi Jurnalı indiyə qədər aşağıdakı nüfuzlu dövri elmi nəşrlərin daxil olduğu beynəlxalq xülasələndirmə və indeksləmə sistemlərinə (bazalarina) daxil edilmişdir: AGRİS, Scientific İndexing Services (SİS), CROSSREF, SUDOC, OPENALEX, DOİ, ROAD, COSMOS və s.
Müasir dövrdə informasiya resurslarının kifayət qədər bolluğu, informasiya-kommunikasiya texnologiyalarının sürətlə inkişaf etdiyi, rəqabətqabiliyyətli və nüfuzlu elektron və çap nəşrlərinin sürətlə yayıldığı bir zamanda bu məkana daxil olmağa cəhd etmək riskli, çətin və məsuliyyətli addım olmaqla yanaşı, eyni zamanda həm də şərəfli və qürurvericidir.
Əminik ki, Technical and Agrarian Sciences International Scientific Journal -Texnika və Aqrar Elmləri Beynəlxalq Elmi Jurnalının redaksiya heyəti jurnalın həm respublika, həm də beynəlxalq arenada tanınması, elm ictimaiyyət arasında layiqli yerini tutması üçün bundan sonra da əlindən gələni əsirgəməyəcək.