Şirvan-Salyan Regional Təhsil İdarəsinin müdiri Rəşad Musayev ümumi (9 illik) orta təhsil səviyyəsi üzrə buraxılış imtahanında maksimum nəticə göstərmiş Salyan şəhəri Nizami Gəncəvi adına 2 nömrəli tam orta məktəbin 9-cu sinif şagirdi Tunar Eyvazlı və I ixtisas qrupu üzrə ən yüksək nəticəni göstərmiş Neftçala rayonu Bankə qəsəbə 2 nömrəli tam orta məktəbin cari il məzunu Mirağa Əliyev, onların valideynləri və məktəb rəhbərləri ilə görüş keçirib.
“Tehsil365” xəbər verirki, Görüş zamanı idarə müdiri şagirdlərin əldə etdiyi nailiyyətləri yüksək qiymətləndirərək onları təbrik edib, gələcək təhsil yollarında müvəffəqiyyətlər arzulayıb. Rəşad Musayev bu uğurda müəllimlərin və valideynlərin də xüsusi rolunu qeyd edərək hər birinə təşəkkürünü çatdırıb.
Sonda fərqlənən şagirdlərə diplom və hədiyyələr təqdim olunub, xatirə şəkli çəkilib.
