Ailə, Qadın və Uşaq Problemləri üzrə Dövlət Komitəsi, Elm və Təhsil Nazirliyi və Təhsilin İnkişafı Fondunun birgə əməkdaşlığı ilə iyunun 23-də “Gənc qızların təhsilinə dəstək” layihəsi iştirakçılarının “Məzun günü” təşkil olunub.
Bakı Dövlət Universitetindən (BDU) “Tehsil365”ə bildirilib ki, bu ali təhsil müəssisəsinin 10 tələbəsi – Bahar Ağayeva, Milana Rüstəm, Gülyanaq Sarıyeva, Aydan Xammədli, Aysu Əhmədli, Həqiqə Cəfərova, Gözəl Cabbarova, Günel Yaqubova, Nargül İbrahimli və Zeynəb Bədəlova da layihənin məzunları arasındadır.
Qeyd edək ki, “Məzun günü” 2021-ci ildə ali təhsil müəssisələrinə yüksək balla qəbul olunmuş və “Hənifə Məlikova-Zərdabi adına qızların təhsilinə dəstək” təqaüd proqramı və “Sən tək deyilsən” layihəsi çərçivəsində həyata keçirilən, şəhid xanımlarının təhsilinə dəstəyə yönəlmiş “Gələcəyə əmin addımlarla” proqramı iştirakçılarının uğurlarını və əzmkarlığını qeyd etmək məqsədilə təşkil olunub.