Rusiyalı həkim endokrinoloq və diyetoloq Darya Abaxina dondurmanın insanı kökəldə biləcəyi fikrinin yanlış olduğunu bildirib.
“Tehsil365” xəbər verir ki, o, "Rossiya 1" telekanalının verilişində bu məhsulun zərəri ilə bağlı məşhur mifi puça çıxarıb.
"Dondurma praktiki olaraq havadan hazırlanır. Bunu bilirdinizmi? Dondurma istehsalı prosesində frizləmə adlanan mərhələ var, bu zaman bütün komponentlərin qarışığı hava ilə doyurulur və eyni vaxtda soyudulur", - deyə o vurğulayıb.
Verilişin aparıcısı diyetoloqdan soruşub ki, bu, dondurmanın kökəltmədiyi anlamına gəlirmi? Mütəxəssis onun sualını müsbət cavablandırıb.
Onun sözlərinə görə, gündə bir vafli qabda plombir dondurması yemək olar. Abaxina izah edib ki, belə dondurmanın tərkibində cəmi 200-250 kilokalori var.