SOCAR-ın Bakı Ali Neft Məktəbinin (BANM) kompüter mühəndisliyi ixtisasının tələbələri - Nərgiz Əliyeva, Sahib Rzayev, Firuzə Ağayeva, Banuçiçək Məmmədova, Cəmilə Namazova, Sona Nağdəliyeva, Sənan Yaqubov, Sevinc Əliyeva və Nicat Əlizadə Türkiyədə nüfuzlu elmi-tədqiqat qurumu olan TÜBİTAK-da istehsalat təcrübəsi keçəcək.
Universitetdən “Tehsil365”ə bildirilib ki, təcrübə proqramı Türkiyə Respublikası Sənaye və Texnologiya Nazirliyinin Elm və Texnoloji Tədqiqatlar Şurasının (TÜBİTAK) İnformatika və İnformasiya Təhlükəsizliyi üzrə Tədqiqatlar Mərkəzi (BİLGEM) ilə BANM arasında imzalanmış əməkdaşlıq müqaviləsinə əsasən həyata keçirilir.
Proqram çərçivəsində tələbələrin bütün xərcləri qarşılanacaq. Məqsəd tələbələrin informasiya texnologiyaları, kibertəhlükəsizlik və proqram təminatı sahəsində bilik və bacarıqlarını artırmaq və onlara beynəlxalq təcrübə qazandırmaqdır.