İyulun 6-dan 13-dək Birləşmiş Ərəb Əmirliklərinin (BƏƏ) Dubay şəhərində 57-ci Beynəlxalq Kimya Olimpiadası (IChO) keçiriləcək. Bilik yarışında Azərbaycan da daxil olmaqla, 90-dan çox ölkədən 300-dən çox şagirdin iştirakı gözlənilir.
“Tehsil365 “xəbər verir ki, olimpiadanın saytına istinadla xəbər verir ki, tədbirin təşkilatçısı BƏƏ-nin Təhsil Nazirliyi, bilik tərəfdaşı isə BƏƏ əl-Ayn Universitetidir.
Beynəlxalq Kimya Olimpiadası istedadlı orta məktəb şagirdləri üçün nəzərdə tutulmuş ən nüfuzlu beynəlxalq elm müsabiqələrindən biridir.
Olimpiadanın ilk buraxılışı 1968-ci ilin iyununda Praqada, 56-cı buraxılışı isə Səudiyyə Ərəbistanında 2024-cü ilin iyul ayında keçirilib.
Qeyd edək ki, BƏƏ 2021-ci ildə yeniyetmələr arasında Elm Olimpiadasına və 2023-cü ildə isə Beynəlxalq Biologiya Olimpiadasına ev sahibliyi edib.