Hazırda ölkə üzrə 1669 dövlət məktəbəqədər təhsil müəssisəsi fəaliyyət göstərir və 109 550 uşaq məktəbəqədər təhsil alır.
"Tehsil365" xəbər verir ki, bu barədə məlumat Elm və Təhsil Nazirliyinin illik hesabatında yer alıb.
Məlumatda bildirilib ki, bağça yaşlı uşaqlar arasında məktəbəqədər təhsilə cəlb olunma göstəricisi 38.2 faizdir və bu göstəricinin 50 faizə çatdırılması planlaşdırılır.
2024-cü ildə 14 yeni məktəbəqədər təhsil müəssisəsi istifadəyə verilib, bu il isə 5 məktəbəqədər təhsil müəssisəsində əsaslı təmir işləri aparılıb.
2025-ci ilin yanvarından etibarən isə 11 bağçanın fəaliyyətə başlaması gözlənilir. Onlardan 2-si artıq açılıb, qalan 9-u isə istifadəyə verilməsi planlaşdırılır. Ümumi tutum isə 900 yer təşkil edəcək.
Hazırda Abşeron rayonunda 5, Kürdəmir və Qubadlı rayonlarında isə birer olmaqla, 7 məktəbdə tikinti və təmir işləri davam edir.