Xəzər Universitetinin Dillər və ədəbiyyatlar departamentinin Dillər bölməsinin koordinatoru Dr. Sevinc Qəmbərova və Bakı Mühəndislik Universitetinin (BMU) dosenti Zabitə Teymurlunun həmmüəllif olduğu “Oğuz qrupu türk dillərində yönlük halın ifadəsi” (“The expression of the dative case in Oghuz group Turkic languages”) adlı elmi məqalə nəşr olunub.
“Tehsil365” xəbər verirki, Məqalə Ali Attestasiya Komissiyasının siyahısında yer alan, Azərbaycan və ingilis dillərində məqalələr dərc edən BMU-nun “Philology and Pedagogy” jurnalının 2025-ci il üzrə 9-cu cildinin 1-ci nömrəsində çap olunub.
Tədqiqatda qədim türk dili və türk dilləri ailəsinin oğuz qrupuna daxil olan türk, Azərbaycan, türkmən, qaqauz və Axısqa (Mesxeti) türklərinin dillərində ismin yönlük halının ifadə üsulları müqayisəli şəkildə təhlil olunub, onların oxşar və fərqli cəhətləri müəyyənləşdirilib.
