“İspaniyanın nüfuzlu universitetlərindən birinin Azərbaycanda fəaliyyətə başlaması imkanı nəzərdən keçirilir”.
Bunu “Tehsil365”ə İspaniya Krallığının Azərbaycandakı fövqəladə və səlahiyyətli səfiri Kristina Latore Sanço deyib.
O, Azərbaycan və İspaniya arasında təhsil sahəsində yeni mərhələnin başladığını vurğulayıb:
“Bizim Azərbaycan Prezidenti İlham Əliyevlə görüşümüzdə müzakirə etdiyimiz mövzulardan biri də təhsil sahəsində yaxşı əməkdaşlıq qurmaq idi. Artıq hər iki ölkənin Təhsil nazirlikləri bu sahədə yeni layihələr üzərində iş aparır. Ümumilikdə bu sahədə birgə layihənin icrası nəzərdə tutulur. Biz təhsil sahəsində məhsuldar əməkdaşlıq planlaşdırırıq”.