III Şuşa Qlobal Media Forumunda iştirak etmək üçün Azərbaycana gələn xarici qonaqlar Füzuliyə çatıb.
“Tehsil365” Trend-ə istinadən xəbər verir ki, forum iştirakçılarını daşıyan təyyarə Füzuli beynəlxalq hava limanına eniş edib.
III Şuşa Qlobal Media Forumunda 52 ölkədən 140-a yaxın xarici qonağın, o cümlədən, 30-dan çox informasiya agentliyi, 7 beynəlxalq təşkilat və 80-ə yaxın media qurumu, həmçinin sahə üzrə əlaqəli digər təşkilatlardan nümayəndələrin iştirakı gözlənilir.
“Rəqəmsal transformasiya: Süni intellekt dövründə informasiya və medianın dayanıqlılığının gücləndirilməsi” mövzusuna həsr olunmuş forum iyulun 19-dan 21-dək keçiriləcək.