Tehsil365 xəbər verir ki, “Yüksəliş” müsabiqəsinin qalibləri ilə keçirilən növbəti görüşdə onların fərdi inkişaf planları və peşəkar səriştələrinin artırılması ilə bağlı fikir mübadiləsi aparılıb.
İqtisadiyyat naziri Mikayıl Cabbarov dördüncü “Yüksəliş” müsabiqəsinin qalibləri Təbdir Əmməyev və Toğrul Yaqublu ilə mentorluq proqramı çərçivəsində növbəti görüşünü keçirib. Görüş zamanı qaliblərin peşəkar karyera məqsədləri və inkişaf planları müzakirə olunub, onların şəxsi və peşəkar inkişafla bağlı sualları cavablandırılıb.
Mentorluq proqramı çərçivəsində atılacaq növbəti addımlar barədə də fikir mübadiləsi aparılıb. Nazir görüş iştirakçılarına bilik və bacarıqlarının artırılması, potensiallarının reallaşdırılması ilə bağlı tövsiyələr verib, gələcək fəaliyyətlərində uğurlar arzulayıb.