Tehsil365 xəbər verir ki, Qarabağ Universitetində ilk dəfə olaraq Tibb və Sağlamlıq Elmləri fakültəsi fəaliyyətə başlayır. Bu fakültənin yaradılması regionda sağlam cəmiyyətin formalaşdırılmasına mühüm töhfə verməyi hədəfləyir.
Yeni fakültə beynəlxalq təcrübəyə malik professor-müəllim heyəti, pasiyentmərkəzli yanaşma, multidissiplinar təhsil modeli, innovativ tədris metodları və müasir simulyasiya mərkəzi ilə fərqlənəcək. Tələbələrə nəzəri biliklərlə yanaşı, praktiki bacarıqlar da aşılanacaq.
Eyni zamanda, Qarabağ Universitetində Turizm fakültəsi də tələbə qəbuluna başlayır. Fakültədə praktik dərslər, yerli və beynəlxalq layihələr, eləcə də Qarabağın turizm potensialı ilə birbaşa təcrübə imkanları təqdim ediləcək.
Turizm fakültəsi, xidmət göstərməyi sevən, insanlarla işləməkdən zövq alan və Qarabağı, eləcə də Azərbaycanı dünyaya tanıtmaq istəyən gənclər üçün doğru ünvan olmağı qarşısına məqsəd qoyur.
Qarabağ Universiteti bu yeni fakültələrlə bölgənin təhsil və inkişaf ritminin sağlam və dinamik şəkildə döyündürməsinə imkan yaradır.