Elm və təhsil naziri Emin Əmrullayev Oğuz şəhərində sakinlərin müraciətlərini dinləyib.
“Təhsil365” xəbər verir ki, Oğuz, Şəki, Qax, Zaqatala, Balakən və Qəbələ sakinlərinin müraciətləri əsasən tələbələrin köçürülməsi, xarici təhsil sənədlərinin tanınması və müəllimlərin işə qəbulu mövzularını əhatə edib.
Nazir müraciətlərin operativ, hərtərəfli araşdırılması və qaldırılan məsələlərin qanunvericiliyə uyğun həlli istiqamətində nazirliyin aidiyyəti qurumlarının rəhbərlərinə tapşırıqlarını verib.