6 avqustdan etibarən müəllimlərin işə qəbulu üzrə ümumi vakansiya seçimi mərhələsinə başlanılacaq.
Tehsil365-ə Təhsil İnstitutunun İnsan Resursları Mərkəzindən verilən məlumata görə, 6 avqust saat 11:00-dan etibarən müəllimlərin işə qəbulu üzrə müsabiqənin ümumi (müddətsiz əmək müqaviləsi əsasında) vakansiya seçimi mərhələsinə başlanılır.
Təhsil İnstitutunun İnsan Resursları Mərkəzindən verilən məlumata görə, bu mərhələdə müddətsiz əmək müqaviləsi ilə işə qəbul üçün namizədlərin vakansiya seçimi həyata keçiriləcək. Qeyd olunub ki, ümumtəhsil proqramı üzrə minimum 34 bal və tədris metodikası üzrə minimum 6 bal olmaqla ümumilikdə 40 və daha yüksək nəticə göstərən namizədlər 11 avqust saat 11:00-dək şəxsi səhifələrinə daxil olaraq vakansiya seçimi edə biləcəklər.
Bildirilib ki, namizəd seçdiyi vakant yerə yerləşdikdən sonra həmin yerdən imtina etdiyi halda növbəti seçim mərhələlərində iştirak edə bilməyəcək.
Vakansiya seçimi mərhələsinə dair tez-tez verilən sualların cavabları ilə www.miq.edu.az/faq ünvanında tanış olmaq mümkündür.