Delhi Universiteti (DU), bakalavr proqramlarında Çoxlu Giriş-Çıxış Sistemi (ME-ME) ilə bağlı yeni qaydaları açıqlayıb. Bu sistem, tələbələrə təhsillərinə istədikləri zaman fasilə vermək və daha sonra eyni proqram üzrə davam etmək imkanı verir.
"Tehsil365" Education Times'in yaydığı məlumata görə bildirir ki,tədbir, Hindistanın Milli Təhsil Siyasəti (NEP) 2020 və Bakalavr Təhsil Çərçivəsi (UGCF) 2022 ilə uyğunlaşdırılıb. Yeni akademik kredit sisteminə əsasən, tələbələr müvafiq kreditləri toplamaqla fərqli səviyyələrdə kvalifikasiyalar əldə edə biləcəklər:
1 il / 44 kredit – Sertifikat
2 il / 88 kredit – Diplom
3 il / 132 kredit – Bakalavr dərəcəsi
4 il / 176 kredit – Onur, tədqiqat və ya sahibkarlıq üzrə bakalavr dərəcəsi
Sistemin mühüm üstünlüklərindən biri də odur ki, təhsilə fasilə verən tələbələr əvvəl topladıqları kreditlər qüvvədə qaldığı müddətdə (2-4 il arası) yeddi il ərzində eyni universitetə geri dönə biləcəklər. Məsələn, birinci kursdan sonra ayrılan bir tələbə, üç il ərzində qayıtdıqda ikinci kursdan davam edə bilər.
Tələbələrin çıxış və dönüş proseslərini düzgün planlaması üçün universitet detallı təlimatlar da hazırlayıb. Fasilə götürmək istəyənlər növbəti semestr başlamazdan əvvəl müraciət etməlidirlər.
Universitet, hər hansı anlaşılmazlıq yaranarsa, yekun qərarın rektor müavini tərəfindən veriləcəyini də vurğulayıb. Digər universitetlərdən köçürmə ilə bağlı əlavə qaydaların təqdim olunacağı da bildirilir.
Bu addım, Hindistanın ali təhsil sistemini daha çevik və tələbə yönümlü etmək, həmçinin tələbələrin fərdi və peşəkar məqsədlərinə uyğun təhsil almalarını təmin etmək məqsədi daşıyır.