Tehsil365 xəbər verir ki, Azərbaycan Respublikasında ümumi təhsil müəssisələrinin və müəllimlərin sayı son bir ildə azalma göstərib. Dövlət Statistika Komitəsinin 2025-ci il 25 iyul tarixli məlumatına əsasən, 2024-cü tədris ilinin əvvəlinə ölkədə fəaliyyət göstərən ümumi təhsil müəssisələrinin sayı 4357 təşkil edib. Bu göstərici 2023-cü ildə 4422 idi.
Hesabata əsasən, ümumi təhsil müəssisələrində təhsil alan şagirdlərin sayı 2024-cü ildə 1 milyon 695 min 96 nəfər olub. Halbuki 2023-cü ildə bu rəqəm 1 milyon 704 min 217 nəfər idi. Bu, şagird sayında təxminən 9000 nəfərlik azalma deməkdir.
Ən çox diqqətçəkən dəyişiklik isə müəllim kontingentində qeydə alınıb. 2024-cü ildə ümumi təhsil müəssisələrində əsas heyət üzrə çalışan müəllimlərin sayı 146 min 381 nəfər olub. Bu rəqəm 2023-cü ildə 150 min 868 nəfər idi. Yəni 4500-dən çox müəllim sistemdən çıxıb və ya fəaliyyətini dayandırıb.